Azərbaycan təmsilçisi Avropada adından söz etdirir

Azərbaycan gəncləri növbəti beynəlxalq uğura imza atıblar. Xorvatiyanın Zaqreb şəhərində keçirilən Avropa Universitetləri Futzal Çempionatında ölkəmizi təmsil edən Azərbaycan İdman Akademiyasının komandası yüksək nəticə göstərərək adını finala yazdırıb.

Yarımfinal mərhələsində İspaniya təmsilçisi ilə qarşılaşan komandamız əzmkar və üstün oyun nümayiş etdirərək 5:1 hesabı ilə qələbə qazanıb və yarışın finalına yüksəlib. Bu nəticə, ali təhsil müəssisələri səviyyəsində Azərbaycanın futzal tarixində mühüm nailiyyətlərdən biri kimi qiymətləndirilir.

Komandamızın bu uğuru təkcə idman sahəsində deyil, həm də Azərbaycan tələbələrinin beynəlxalq arenada nümayiş etdirdiyi gücün və iradənin bariz nümunəsidir.

Final mərhələsində Azərbaycan İdman Akademiyası komandasına uğurlar arzulayırıq. Onların göstərdiyi ruh, birlik və əzm bu uğuru tam olaraq haqq etdiklərini sübut edir.

17– 25 iyul tarixlərində Xorvatiyanın Zaqreb şəhərində tələbələr arasında Avropa Universitetləri Futzal Çempionatı keçirilir.
Çempionatda ölkəmizi Azərbaycan Tələbə Liqasının 2024/2025 mövsümünün qalibi Azərbaycan İdman Akademiyasının komandası təmsil edir.
Ölkəmizi təmsil edən komanda iyulun 16-da Xorvatiyaya yola düşüb.
Keçirilən ilk oyunda komandamız 5:1 hesabı ilə İsveçrə komandasına qalib gəlib.
İkinci oyunda isə Azərbaycan İdman Akademiyası Xorvatiyanın Split Universitetinə qarşı 6:2 hesablı qələbə qazanıb.
Qeyd edək ki, komandanın Avropa çempionatında iştirakı Azərbaycan Tələbə Futbol Federasiyası İctimai Birliyinin təşkilatçılığı, Azərbaycan Futbol Federasiyaları Assosiasiyasının, Elm və Təhsil İşçiləri Həmkarlar İttifaqının və Azərbaycan Həmkarlar İttifaqları İdman Təşkilatları Assosiasiyasının dəstəyilə həyata keçirilir.

2025-ci il iyulun 17-dən 26-dək Xorvatiyanın Zagreb şəhərində keçirilən 14-cü Avropa Universitetləri Futzal Çempionatında ölkəmizi Azərbaycan Dövlət Beden Tərbiyəsi və İdman Akademiyasının komandası təmsil edir.

Çempionat Avropa Universitet İdmanları Assosiasiyası (EUSA) tərəfindən təşkil olunur. Bu mötəbər turnirdə Azərbaycan komandalarının iştirakı Azərbaycan Həmkarlar İttifaqları İdman Təşkilatları Assosiasiyası (AHİİTA) tərəfindən dəstəklənir. AHİİTA, EUSA-nın rəsmi tərəfdaşı olaraq gənclərimizin beynəlxalq idman platformalarında fəal təmsil olunmasına öz töhfəsini verir.

🔹 İyulun 17-də keçirilən püşkatmanın nəticəsinə əsasən, Azərbaycan İdman Akademiyasının komandası C qrupunda aşağıdakı universitetlərlə qarşılaşacaq:

• 🇭🇷 University of Split (Xorvatiya)

• 🇨🇭 Swiss Federal Institute of Technology Lausanne (İsveçrə)

• 🇭🇺 University of Pécs (Macarıstan)

📍 Yarışmanın rəsmi açılış mərasimi iyulun 18-də baş tutub və tədbirdə Azərbaycan komandasının üzvləri və nümayəndə heyəti fəal iştirak edib.

📅 İlk oyun:

• 🗓️ 19 iyul

• 🆚 Swiss Federal Institute of Technology Lausanne (İsveçrə)

Bu turnir, tələbə-idmançılarımızın beynəlxalq təcrübə qazanması, idmanda dostluq əlaqələrinin qurulması və Azərbaycan gəncliyinin Avropa səviyyəsində tanıdılması baxımından mühüm əhəmiyyət kəsb edir.

Komandamıza uğurlar arzulayırıq!
İrəli, Azərbaycan!