U-17 dünya çempionu Əli Nəzərov təntənəli şəkildə qarşılandı

Son dünya çempionu və Azərbaycan Həmkarlar İttifaqları İdman Təşkilatları Assosiasiyasının (AHİİTA) təmsilçisi Əli Nəzərov (60 kq) növbəti dəfə böyük uğura imza atıb.

III MDB Oyunları çərçivəsində keçirilən yunan-Roma güləşi yarışlarında Əli Nəzərov final görüşündə rəqibini məğlub edərək qızıl medal qazanıb. Bu qələbə onun yüksək hazırlığının, mübarizə əzminin və gənc yaşda qazandığı təcrübənin növbəti göstəricisidir.

Əli Nəzərovun uğurlarında onun şəxsi məşqçi-müəllimi Azər Hüseynovun da böyük payı var. AHİİTA-nın idmançısı beynəlxalq arenada ölkəmizi layiqincə təmsil edərək, Azərbaycan güləş məktəbinin gücünü bir daha təsdiqləyib.

Bu nailiyyət həm AHİİTA-nın, həm də ümumilikdə Azərbaycan idmanının uğurlu inkişaf istiqamətində olduğunu bir daha nümayiş etdirir.

Xorvatiyanın paytaxtı Zaqrebdə keçirilən güləş üzrə dünya çempionatına yekun vurulub.

Mötəbər yarışda 1 qızıl,1 gümüş və 2 bürünc medal qazanan yunan-Roma güləşi üzrə millimiz 89 xalla komanda hesabında dünya ikincisi olub

İran (180) birinci, Özbəkistan (72) isə üçüncü yeri tutub.

Xatırladaq ki, baş məşqçi Aleksandr Tarakanov, böyük məşqçi Rövşən Bayramov, məşqçilər Həsən Əliyev, Elvin Mürsəliyev və Kamran Məmmədovun rəhbərliyi altında Ülvü Qənizadə (72 kq) qızıl, Həsrət Cəfərov (67 kq) gümüş, Eldəniz Əzizli (55 kq) və Murad Əhmədiyev (97 kq) bürünc medal qazanıb.

İyulun 28-dən avqustun 3-dək, Yunanıstanın paytaxtı Afinada keçirilən U-17 dünya çempionatında Azərbaycan Həmkarlar Ittifaqları İdman Təşkilatları Assosiasiyasının (AHİİTA) yunan-Roma güləşi üzrə təmsilçisi Əli Nəzərov (60 kq) möhtəşəm çıxışı ilə dünya çempionu adını qazandı! Final görüşündə Əli, Qırğızıstan təmsilçisi Amangəldi Ysakbayevə qarşı inamlı mübarizə apararaq 6:1 hesablı qələbə ilə U-17 mundialında Azərbaycan millisinin ilk qızıl medalını qazandırdı. Əli Nəzərovun şəxsi məşqçi-müəllimi Azər Hüseynova bu uğurda göstərdiyi dəstəyə və zəhmətə görə xüsusi təşəkkürümüzü bildiririk. Əzmini, zəhmətini və peşəkarlığını dünya səviyyəsində sübut edən Əli Nəzərovu təbrik edir, gələcək yarışlarda da yeni-yeni zirvələr arzulayırıq!

İtaliyanın Kaorle şəhərində keçirilən U-20 Avropa çempionatında Azərbaycan Həmkarlar İttifaqları İdman Təşkilatları Assosiasiyasının (AHİİTA) idmançıları Tural Əhmədov (63 kq) və Turan Daşdəmirov (55 kq) gümüş medala layiq görülüblər.

Tural Əhmədov yarımfinalda Yunanıstan təmsilçisini 11:1 hesabı ilə məğlub edərək finala yüksəlib. Final görüşündə isə rusiyalı rəqibinə uduzaraq ikinci yeri tutub.

Turan Daşdəmirov isə ukraynalı idmançını məğlub etdikdən sonra finalda rusiyalı rəqibi ilə 1:1 hesablı bərabərliklə başa çatan görüşdə “ilk xal” prinsipinə əsasən məğlub olub və gümüş medal qazanıb.

Azərbaycan Həmkarlar İttifaqları İdman Təşkilatları Assosiasiyasının (AHİİTA) güləşçisi Əli Nəzərov, Şimali Makedoniyanın Skopye şəhərində keçirilən U-17 Avropa çempionatında 60 kq çəki dərəcəsində finala qədər irəliləyərək gümüş medal qazandı.

Türkiyənin Antalya şəhərində yuna-Roma güləşi üzrə keçirilən gənclər (U20) arasında ənənəvi “Çempionlar” turnirində AHİİTA-nın güləşçisi Tural Əhmədov (63 kq) gümüş medal qazanaraq böyük sevinc yaşadıb!

6 may 2025-ci il tarixində yunan-Roma güləşi üzrə Türkiyənin Antalya şəhərində start götürən gənclər (U20) arasında keçirilən “Çempionlar” turnirində AHİİTA-nın təmsilçisi, 55 kq çəkidə çıxış edən Turan Daşdəmirov möhtəşəm performansla gümüş medal qazanıb!

Astara Olimpiya İdman Kompleksində keçirilən güləş üzrə U-17 ölkə birinciliyinin yunan-Roma güləşi yarışlarında Azərbaycan Həmkarlar İttifaqları İdman Təşkilatları Assosiasiyası (AHİİTA) komanda hesabında 69 xalla üçüncü yerə layiq görülüb.

Astara Olimpiya İdman Kompleksində ilk dəfə keçirilən U-17 Güləş üzrə Ölkə Birinciliyinə yekun vurulub. Yarışın son günündə yunan-Roma güləşi üzrə 48, 55, 65, 80 və 110 kq çəki dərəcələrində qaliblər müəyyənləşib.

Azərbaycan Həmkarlar İttifaqları İdman Təşkilatları Assosiasiyasını (AHİİTA) təmsil edən gənc güləşçilər də uğurla çıxış edərək fəxri kürsüyə qalxıblar:

65 kq çəki dərəcəsində Hüseyn Vəlizadə bürünc medal qazanıb.

110 kq çəki dərəcəsində isə Rauf Mütəllimov gümüş medala sahib olub.

Astara Olimpiya İdman Kompleksində keçirilən U-17 ölkə birinciliyinin üçüncü günündə yunan-Roma güləşi üzrə 45, 51, 60, 71 və 92 kiloqram çəki dərəcələrində qaliblər müəyyənləşib. AHİİTA-nın güləşçiləri bu çətin yarış günündə yüksək nəticə göstərərək fərqləniblər.

60 kiloqram çəki dərəcəsində AHİİTA-nın idmançısı Əli Nəzərov bütün rəqiblərini məğlub edərək qızıl medala layiq görülüb. 

Eyni çəki dərəcəsində Qabil Bəşirov bürünc medal qazanıb.

92 kiloqram çəki dərəcəsində Amin Nəsibov da bürünc medal əldə edərək AHİİTA-nın uğuruna öz töhfəsini verib. 

Serbiyanın Zlatibor şəhərində məktəblilər arasında keçirilən Gimnaziada yarışlarında AHİİTA-nın güləşçisi Zöhrab Səfərov (85 kq) yunan-Roma güləşi üzrə bütün görüşlərdə üstün çıxış edərək turnirin qalibi olub və AHİİTA-nın ilk qızıl medalını qazanıb.

5-6 mart tarixlərində Gəncə İdman Sarayında keçirilən yunan-Roma güləşi üzrə keçirilən U-15 ölkə birinciliyində Azərbaycan Həmkarlar İttifaqları İdman Təşkilatları Assosiasiyasının (AHİİTA) idmançıları yüksək nəticələr əldə ediblər.

Ruslan Nuriyev 75 kq çəki dərəcəsində bütün rəqiblərini məğlub edərək çempion olub və qızıl medal qazanıb.
Hüseyn Məmmədov 52 kq çəki dərəcəsində gümüş medal qazanaraq turniri ikinci pillədə tamamlayıb.
Zahir Yusifov və Tunar Misirxanov isə 62 kq çəki dərəcəsində uğurlu çıxış edərək bürünc medallara sahib olublar.

Abşeron Olimpiya İdman Kompleksində keçirilən yunan-Roma güləşi üzrə U-20 Azərbaycan çempionatında idmançılarımız uğurla çıxış edərək yüksək nəticələr göstəriblər.

Mükafat qazanan güləşçilərimiz:

• Orxan Hacıyev – 87 kq çəki dərəcəsində birinci yer

• Abdulla Həsənov – 87 kq çəki dərəcəsində ikinci yer

• Maksut Cankurtaran – 60 kq çəki dərəcəsində üçüncü yer

• Elşən İslam – 67 kq çəki dərəcəsində üçüncü yer

• Emil Həziyev – 87 kq çəki dərəcəsində üçüncü yer

• Elnur Hüseynov – 87 kq çəki dərəcəsində üçüncü yer

Abşeron Olimpiya İdman Kompleksində keçirilən U-20 Azərbaycan çempionatının yunan-Roma güləşi üzrə üçüncü yarış günü gənc idmançılarımız üçün uğurlu nəticələrlə yadda qalmışdır. Onlar yüksək hazırlıq səviyyəsi nümayiş etdirərək fəxri kürsüyə yüksəlmişlər.

55 kq çəki dərəcəsində Coşqun Hacıyev üçüncü yerə layiq görülmüşdür.

63 kq çəki dərəcəsində Tural Əhmədov birinci, Əli Seyidəlili isə üçüncü yeri tutmuşdur.

72 kq çəki dərəcəsində Xalid Həsənov üçüncü yeri qazanmışdır.

82 kq çəki dərəcəsində Cavidan Nəhmətov birinci, Məhəmməd Əhmədov isə üçüncü yerin sahibi olmuşdur.