AHİTA-nın İdmançısı Yusif Ağakişiyev Beynəlxalq Turnirin Qızıl Medalçısı Oldu

Serbiyanın Zlatibor şəhərində keçirilən məktəblilər arasında Boks üzrə Avropa Birinciliyində Azərbaycan millisi tarixi uğura imza atıb. Ümumilikdə 3 qızıl, 10 gümüş və 9 bürünc medal qazanan komandamız Avropa ikincisi olaraq qitə birinciliyində yüksək nəticə göstərib.

Bu mötəbər turnirdə Azərbaycan Həmkarlar İttifaqları İdman Təşkilatları Assosiasiyasının 4 yetirməsi də uğurla çıxış edərək ölkəmizi layiqincə təmsil ediblər:

• Abbasəli Məmmədli (48 kq) – Ermənistan təmsilçisinə qarşı 4:1 hesabı ilə qələbə qazanaraq Avropa çempionu oldu.
  Məşqçi-müəllimi: Əməkdar məşqçi Vüqar Məmmədov

• Nuran Yusifli (46 kq) – Yüksək əzmkarlıqla finala vəsiqə qazanaraq gümüş medalın sahibi oldu.
  Məşqçi-müəllimi: Əməkdar məşqçi Vüqar Məmmədov

• Yusif Ağakişiyev (75 kq) – Gərgin və mübarizəli döyüşlərdən sonra Avropa ikinciliyinə yüksəldi.
  Məşqçi-müəllimi: Əməkdar məşqçi Ceyhun Rüstəmov

• Mehran Rəsulov (80 kq) – Turniri bürünc medalla başa vuraraq qitənin ən güclü boksçularından biri olduğunu sübut etdi.
  Məşqçi-müəllimi: Əməkdar məşqçi Ceyhun Rüstəmov

AHİİTA olaraq, gənc idmançılarımızın göstərdiyi yüksək nəticələri böyük qürur hissi ilə qarşılayırıq. Bu uğurlara imza atan idmançılarımızı və onların zəhmətkeş məşqçilərini təbrik edir, Azərbaycan idmanının beynəlxalq arenada uğurla təmsil olunmasında göstərdikləri əvəzsiz rolu yüksək qiymətləndiririk.

Bu nəticə bir daha sübut edir ki, ölkəmizin idman potensialı güclüdür və yeni nəsil idmançılar bu bayrağı daha da yüksəklərə daşımaq əzmindədir.

11–19 iyun 2025-ci il tarixlərində keçirilən boks üzrə yeniyetmə və kadetlər arasında Respublika birinciliyində Azərbaycan Həmkarlar İttifaqları İdman Təşkilatları Assosiasiyasının (AHİİTA) təmsilçisi, 80 kq çəki dərəcəsində çıxış edən Raul Abdullazadə uğurlu mübarizə apararaq gümüş medal qazandı.

Azərbaycan Həmkarlar İttifaqları İdman Təşkilatları Assosiasiyası (AHİİTA) Türkiyənin Alanya şəhərində keçirilən “Turan Cup” beynəlxalq boks turnirində uğurlu nəticə göstərib.

10–13 iyun tarixlərində məktəblilər arasında təşkil olunan yarışda AHİİTA-nın təmsilçiləri 3 qızıl medal qazanaraq ölkəmizi və təşkilatı yüksək səviyyədə təmsil ediblər.

Qaliblər:

• Nuran Yusifli – 46 kq

• Abbas Məmmədli – 48 kq

• Mehran Rəsulov – 75 kq

44 kq çəki dərəcəsində çıxış edən Azərbaycan Həmkarlar İttifaqları İdman Təşkilatları Assosiasiyasının (AHİİTA) təmsilçisi Əli Ruşanov “Heydər Əliyev-2025” beynəlxalq boks turnirində qızıl medal qazanıb.

54 kq çəki dərəcəsində yarışan İbrahim Bədəlli isə turnirin gümüş medalını əldə edərək yüksək nəticə göstərib.

Boks üzrə kadetlər arasında keçirilən zona birinciliklərinin final mərhələsi uğurla yekunlaşıb. Yarışda ölkənin müxtəlif şəhər və rayonlarını təmsil edən 50 komandanın tərkibində ümumilikdə 153 idmançı mübarizə aparıb.

Beş gün davam edən gərgin mübarizənin sonunda 17 çəki dərəcəsi üzrə qaliblər və mükafatçılar müəyyən edilib. Komanda hesabında Azərbaycan Həmkarlar İttifaqları İdman Təşkilatları Assosiasiyası (AHİİTA) 2 qızıl və 1 bürünc medal qazanaraq ümumi sıralamada üçüncü yeri tutub.

AHİİTA komandasının üzvləri yarışda aşağıdakı nəticələrlə yadda qalıblar:

• Rəsulov Mehran – 75 kq çəki dərəcəsində qızıl medal

• Ağakisiyev Yusif – 80 kq çəki dərəcəsində qızıl medal

• Abdullazadə Raul – 70 kq çəki dərəcəsində bürünc medal

Komandaya Respublikanın Əməkdar Məşqçi-Müəllimi Rüstəmov Ceyhun rəhbərlik edib. Onun rəhbərliyi və idmançıların əzmkarlığı sayəsində AHİİTA mötəbər turnirdə yüksək nəticə göstərərək diqqət çəkib.

Serbiyanın Zlatibor şəhərində keçirilən ISF U15 Gimnaziada İdman Oyunlarında Azərbaycan yığmasının tərkibində çıxış edən Azərbaycan Həmkarlar İttifaqları İdman Təşkilatları Assosiasiyasının (AHİİTA) üzvləri — Rəsulov Mehran (75 kq) və Ağakişiyev Yusif (80 kq) final döyüşlərində müvafiq olaraq Serbiya və Ukrayna təmsilçilərinə qalib gələrək qızıl medal qazanıblar.

Bu möhtəşəm nəticə ilə onlar Azərbaycan boksunu və AHİİTA ailəsini beynəlxalq arenada uğurla təmsil ediblər!

Rumıniyanın Breila şəhərində keçirilən “Drakula Open” beynəlxalq boks turnirində Azərbaycan Həmkarlar İttifaqları İdman Təşkilatları Assosiasiyasının (AHİİTA) üzvü, gənc boksçumuz Hüseyn Hüseynli (92 kq) əzmkar çıxışı ilə bürünc medal qazanıb.