Liqa yarışında daha bir qızıl medal

Ana səhifə

Xəbərlər

Liqa yarışında daha bir qızıl medal

10July 15, 2025

U-17 yeniyetmələr arasında keçirilən Cüdo Liqası yarışının II turunda Azərbaycan Həmkarlar İttifaqları İdman Təşkilatları Assosiasiyasının (AHİİTA) təmsilçisi Qızılgül Əkbərova 52 kq çəki dərəcəsində tatamiyə çıxaraq bütün rəqiblərini məğlub edib və qızıl medalın sahibi olub.

Yarış Hövsan qəsəbəsində yerləşən Fövqəladə Hallar Nazirliyinin İdman Sağlamlıq Mərkəzində keçirilib. Ümumilikdə 94 klub və cəmiyyətdən 816 idmançının qatıldığı bu turda yüksək nəticə əldə etmək çətin olsa da, Qızılgül Əkbərova öz peşəkarlığı və əzmkarlığı ilə fərqlənib.Qeyd edək ki, Liqa yarışları 4 turdan ibarətdir və yarışlarda əldə olunan nəticələr əsasında yeniyetmə cüdoçuların reytinq siyahısı formalaşacaq.

Fotoşəkillər

Əlaqəli xəbərlər

Paylaşılıb: July 28, 2025 06:54

AHİİTA idmançıları Avropa Cüdo Turnirində fərqləndi

Avropa Cüdo Birliyinin təşkilatçılığı ilə Abşeron Olimpiya İdman Kompleksində keçirilmiş Bakı Avropa Cüdo Ümidləri Turniri uğurla başa çatdı. AHİİTA-nın təmsilçiləri burada göstərdikləri əzmkar mübarizələr və yüksək peşəkarlıqla fərqlənərək ölkəmizi şərəfləndirdilər.

U-13 yaş kateqoriyasında aşağıdakı nəticələr əldə olunub:

Gülay Ağayeva – 1-ci yer (-32 kq)
Ayla Məmmədli – 2-ci yer (-40 kq)

Bu uğurlu nəticələrdə məşqçi-müəllim, əməkdar məşqçi Mətanət Süleymanovanın əməyi xüsusi qeyd olunur. Onun peşəkar hazırlığı və dəstəyi gənc idmançılarımızın beynəlxalq arenada uğur qazanmasına şərait yaradıb.

Turnirdə 12 ölkədən ümumilikdə 436 idmançı (364 oğlan, 72 qız) iştirak edib. Yarış çərçivəsində dünya və Avropa səviyyəli texniki sessiyalar da təşkil olunub.

Gənclərimizin uğurları bizi qürurlandırır və onlara yeni zirvələrə doğru uğurlar arzulayırıq.

Ətraflı

Paylaşılıb: July 28, 2025 04:55

Azərbaycan cüdoçusu Elcan Hacıyev 32-ci Yay Universiadasında gümüş medal qazanıb

Almaniyada keçirilən 32-ci Ümumdünya Yay Universiadası çərçivəsində çıxış edən idmançımız Elcan Hacıyev (90 kq) gümüş medal qazanıb!

Ətraflı

Paylaşılıb: July 15, 2025 06:04

U-14 Cüdo Liqasında AHİİTA-nın Cüdoçusu Ayla Məmmədli Zirvədə

Fövqəladə Hallar Nazirliyinin İdman Sağlamlıq Mərkəzində keçirilmiş U-14 yeniyetmələr arasında Cüdo Liqasının II turunda Azərbaycan Həmkarlar İttifaqları İdman Təşkilatları Assosiasiyasının (AHİTA) üzvü Ayla Məmmədli (40 kq) bütün rəqiblərini məğlub edərək birinci yerə layiq görülüb.

Ətraflı

Paylaşılıb: July 14, 2025 11:25

AHİİTA Cüdoçusu Liqa Yarışında Bürünc Medal Qazandı

Abşeron Olimpiya İdman Kompleksində keçirilən U-17 yeniyetmələr arasında cüdo üzrə Liqa yarışının I turunda Azərbaycan Həmkarlar İttifaqları İdman Təşkilatları Assosiasiyasının (AHİİTA) yetirməsi Qızılgül Əkbərova -52 kq çəki dərəcəsində uğurla çıxış edərək 3-cü yerin sahibi olub.

Yüzlərlə idmançının iştirak etdiyi mötəbər yarışda əldə olunan bu nəticə, gənc cüdoçumuzun əzmi və zəhmətinin bariz nümunəsidir.

Qızılgül Əkbərovanı və onun məşqçi-müəllimi Mətanət Süleymanovanı bu uğura görə səmimi-qəlbdən təbrik edirik.

Ətraflı

Paylaşılıb: July 14, 2025 11:20

AHİİTA Ailəsinin Gənc Çempionu – Ayla Məmmədli!

Abşeron Olimpiya İdman Kompleksində keçirilən U-14 yeniyetmələr arasında Liqa yarışının I turu uğurla başa çatıb. Azərbaycan Həmkarlar İttifaqları İdman Təşkilatları Assosiasiyasının (AHİİTA) yetirməsi Ayla Məmmədli (-40 kq) möhtəşəm performans göstərərək qızıl medal qazanıb.

Yarışda 101 klub və idman cəmiyyətindən 545 cüdoçu iştirak edib. Ayla Məmmədli bu böyük rəqabət şəraitində fərqlənərək AHİİTA-nın adını yüksəldib. Onun məşqçi-müəllimi Mətanət Süleymanova da bu uğurda böyük rol oynayıb.

İlin sonuna qədər keçiriləcək turlar əsasında reytinq cədvəli formalaşacaq və AHİİTA idmançılarının nailiyyətlərinin davam edəcəyi gözlənilir.

Ətraflı