Velosiped idmanı sahəsində bölgələrdə fəaliyyət göstərəcək məşqçi-müəllimlər üçün təlim kurslarının açılışı olub

12 avqust 2025-ci il tarixdə Azərbaycan Həmkarlar İttifaqları İdman Təşkilatları Assosiasiyası ilə Azərbaycan Cüdo Federasiyası arasında əməkdaşlığın novbəti perspektivləri barədə görüş keçirilib. Görüşdə Azərbaycan Həmkarlar İttifaqları Konfederasiyası sədrinin müşaviri Nigar xanım Vahabzadə, AHİİTA rəhbərliyi, Azərbaycan Cüdo Federasiyasının Baş Katibi Rəşad Rəsullu, Federasiyasının əməkdaşları iştirak etmişdirlər. Cüdo idman növünün populyarlığını, yeniyetmə və gənclərin bu idman növünə olan marağının artırılması məqsədilə növbəti birgə görüləcək işlər müzakirə olundu.

2025-ci il 23 may tarixində Azərbaycan Həmkarlar İttifaqları İdman Təşkilatları Assosiasiyasının (AHİİTA) təşəbbüsü ilə Azərbaycan Həmkarlar İttifaqları Konfederasiyasının inzibati binasında AHİİTA ilə Azərbaycan Velosiped İdmanı Federasiyası arasında əməkdaşlıq görüşü keçirilib.

Görüşdə Azərbaycan Velosiped İdmanı Federasiyasını vitse-prezident Fikrət Hüseynov və baş katib Elnarə Musayeva, AHİİTA İctimai Birliyini isə direktor Tural Qasımovun rəhbərliyi ilə təşkilatın rəhbər heyətinin üzvləri təmsil ediblər.

Tərəflər arasında keçirilən müzakirələrdə velosiped idmanının həmkarlar ittifaqları strukturları daxilində inkişafı, gənclərin bu idman növünə cəlb olunması, birgə tədbirlərin təşkili, maarifləndirmə layihələrinin həyata keçirilməsi və gələcək əməkdaşlıq perspektivləri əsas mövzular olub.

AHİİTA İB-nin direktoru Tural Qasımov görüş zamanı bildirib:
“Velosiped idmanı yalnız idman növü deyil, həm də sağlam və ekoloji həyat tərzinin təbliğində mühüm vasitədir. Biz AHİİTA olaraq federasiya ilə birgə layihələrin reallaşdırılmasını olduqca vacib hesab edirik.”

Azərbaycan Velosiped İdmanı Federasiyasının vitse-prezidenti Fikrət Hüseynov isə görüşün əhəmiyyətini vurğulayaraq qeyd edib:
“Biz federasiya olaraq ictimai təşkilatlarla əməkdaşlığa daim açığıq. AHİİTA ilə aparılan danışıqlar gələcəkdə velosiped idmanının daha geniş təbliğinə imkan verəcək.”

Tədbir çərçivəsində iki qurum arasında ortaq fəaliyyət planının hazırlanması barədə ilkin razılıq əldə olunub. Qarşılıqlı maraqlar əsasında birgə layihələrin həyata keçirilməsi və əməkdaşlığın davamlı xarakter alması üçün növbəti addımlar müzakirə edilib.

20 may 2025-ci il tarixində Azərbaycan Həmkarlar İttifaqları İdman Təşkilatları Assosiasiyasının (AHİİTA) inzibati binasında AHİİTA ilə Azərbaycan Sambo Federasiyası arasında əməkdaşlığa dair görüş keçirilib.

Görüşdə Azərbaycan Sambo Federasiyasının baş katibi Ramin Mahmudov və federasiyanın İcraiyyə Komitəsinin üzvü, əməkdar məşqçi Səhliman Ağayev iştirak edərək sambo idman növünün inkişafı və gələcək perspektivlərindən danışıblar.

AHİİTA-nın direktoru Tural Qasımov çıxışında həmkarlar ittifaqları sistemində idmanın inkişafı, xüsusilə sambonun kütləviləşməsi, gənclərin bu idman növünə marağının artırılması və birgə layihələrin həyata keçirilməsi imkanlarına toxunub.

Tərəflər arasında sambo idman növünün həmkarlar arasında təbliği, birgə tədbirlərin təşkili və sosial layihələr üzrə əməkdaşlıq barədə fikir mübadiləsi aparılıb.

Bu görüş gələcək birgə fəaliyyətlərin əsası kimi dəyərləndirilib.

2 may 2025-ci il tarixində Azərbaycan Həmkarlar İttifaqları İdman Təşkilatları Assosiasiyasının (AHİİTA) inzibati binasında Azərbaycan Cüdo Federasiyası ilə əməkdaşlığa dair görüş keçirilib.

Görüşdə Azərbaycan Cüdo Federasiyasının Layihələr üzrə meneceri Ceyhun Rəhmanov və AHİİTA İctimai Birliyinin direktoru Tural Qasımovun rəhbərliyi ilə nümayəndə heyətləri iştirak ediblər.

Tərəflər arasında keçirilən müzakirələrdə cüdo idman növünün inkişaf etdirilməsi, ortaq sosial və idman layihələrinin icrası, birgə çempionat və turnirlərin təşkili, təlim-məşq toplanışlarının keçirilməsi və gənclərin bu idman növünə marağının artırılması məsələləri müzakirə olunub.

Görüş zamanı Azərbaycan Cüdo Federasiyasının nümayəndəsi Ceyhun Rəhmanov bildirib:
“Federasiya olaraq cüdonun ölkədə kütləviləşməsi və gənclər arasında sağlam həyat tərzinin formalaşması üçün çalışırıq. AHİİTA ilə əməkdaşlıq bu məqsədlərə çatmaqda mühüm rol oynayacaq.”

AHİİTA İctimai Birliyinin direktoru Tural Qasımov isə çıxışında qeyd edib:
“Biz həmkarlar arasında sağlam həyat tərzinin təşviqində cüdo idman növünə xüsusi önəm veririk. Azərbaycan Cüdo Federasiyası ilə birgə həyata keçiriləcək layihələr həm idmanın inkişafı, həm də gənc nəslin düzgün istiqamətləndirilməsi baxımından dəyərli olacaq.”

Bu görüş tərəflər arasında gələcəkdə yerli və beynəlxalq arenalarda uğurlu birgə təşəbbüslərin həyata keçirilməsi istiqamətində atılmış mühüm addımlardan biri kimi qiymətləndirilir.

30 aprel 2025-ci il tarixində Azərbaycan Həmkarlar İttifaqları İdman Təşkilatları Assosiasiyasının (AHİİTA) inzibati binasında Azərbaycan Boks Federasiyası ilə əməkdaşlığa dair rəsmi görüş baş tutub.

Görüşdə Azərbaycan Boks Federasiyasının baş katibi Nağı Səfərov və AHİİTA İctimai Birliyinin direktoru Tural Qasımovun rəhbərlik etdiyi nümayəndə heyətləri iştirak ediblər.

Tərəflər arasında aparılan müzakirələrdə boks idman növünün inkişaf etdirilməsi, birgə idman layihələrinin həyata keçirilməsi, çempionat və turnirlərin təşkili, həmçinin gənclərin bu idman növünə marağının artırılması məsələləri ətrafında geniş fikir mübadiləsi aparılıb.

Azərbaycan Boks Federasiyasının baş katibi Nağı Səfərov bildirib:
“Azərbaycan Boks Federasiyası olaraq biz ölkədə boksun inkişafı və kütləviləşdirilməsi istiqamətində geniş fəaliyyət göstəririk. AHİİTA ilə əməkdaşlıq bu sahədə həm idmançılar, həm də gənclər üçün yeni imkanlar yaradacaq.”

AHİİTA İctimai Birliyinin direktoru Tural Qasımov isə qeyd edib:
“Biz AHİİTA olaraq həmkarlar arasında sağlam həyat tərzinin təşviqində boks kimi fiziki və mənəvi cəhətdən gücləndirici idman növlərinə xüsusi yer ayırırıq. Federasiya ilə birlikdə reallaşdıracağımız layihələr gənclərin inkişafı və idman dəyərlərinin aşılanması baxımından böyük əhəmiyyət daşıyır.”

Bu görüş, gələcəkdə yerli və beynəlxalq səviyyədə ortaq idman təşəbbüslərinin gerçəkləşdirilməsi istiqamətində atılmış mühüm addımlardan biri kimi qiymətləndirilir.

18 aprel 2025-ci il tarixində Azərbaycan Həmkarlar İttifaqları Konfederasiyasının (AHİK) inzibati binasında Azərbaycan Təhsil İşçiləri Azad Həmkarlar İttifaqı Respublika Komitəsi (ATİAHİ RK) ilə Azərbaycan Həmkarlar İttifaqları İdman Təşkilatları Assosiasiyası İctimai Birliyi (AHİİTA) arasında görüş keçirildi.

Görüşdə qarşılıqlı əməkdaşlıq, birgə layihələrin həyata keçirilməsi, eləcə də gələcəkdə ortaq tədbirlərin təşkili məsələləri müzakirə olundu. Tərəflər həmkarların fiziki aktivliyinin artırılması, sağlam həyat tərzinin təşviqi və idman sahəsində birgə təşəbbüslərin reallaşdırılması istiqamətində fikir mübadiləsi apardılar.

Tədbirdə AHİK sədrinin müşaviri Nigar Vahabzadə çıxış edərək, həmkarlar ittifaqları arasında əməkdaşlığın vacibliyini və bu tip görüşlərin qarşılıqlı təcrübə mübadiləsinə imkan yaratdığını vurğuladı.

ATİAHİ RK-nın sədri Araz Paşayev və AHİİTA İctimai Birliyinin direktoru Tural Qasımov çıxış edərək, hər iki təşkilatın potensialını birləşdirməklə uğurlu layihələrin həyata keçiriləcəyinə inandıqlarını bildirdilər.

Görüş səmərəli fikir mübadiləsi ilə davam etdi və qarşılıqlı əməkdaşlığın gələcək mərhələləri üçün ilkin razılaşmalar əldə olundu.

2025-ci ilin aprelin 7-də Azərbaycan Həmkarlar İttifaqları İdman Təşkilatları Assosiasiyasının (AHİİTA) inzibati binasında Dünya Alpaqut Federasiyası və Azərbaycan Alpaqut Federasiyası ilə əməkdaşlıq məqsədli rəsmi görüş baş tutub.

Görüşdə Dünya Alpaqut Federasiyasının prezidenti Jalə Əhmədova, Azərbaycan Alpaqut Federasiyasının prezidenti Fuad Quliyev və AHİİTA İctimai Birliyinin direktoru Tural Qasımovun rəhbərlik etdiyi nümayəndə heyəti iştirak edib.

Tərəflər arasında qarşılıqlı əməkdaşlığın genişləndirilməsi, birgə layihələrin həyata keçirilməsi, həmkarlar arasında Alpaqut döyüş sənətinin təbliği və gənclərin bu idman növünə cəlb olunması mövzuları müzakirə olunub.

Dünya Alpaqut Federasiyasının prezidenti Jalə Əhmədova çıxışında bildirib:
“Alpaqut — milli kimliyimizi əks etdirən döyüş sənətidir. Bu əməkdaşlıq sayəsində həmkarlar ittifaqları strukturunda Alpaqutun inkişafına və yayılmasına mühüm töhfə veriləcəyinə inanırıq.”

AHİİTA-nın direktoru Tural Qasımov vurğulayıb:
“AHİİTA olaraq biz hər zaman milli idman növlərinin inkişafına dəstək göstərməyə hazırıq. Alpaqutla bağlı ortaq layihələrin reallaşması bu istiqamətdə önəmli addım olacaq.”

Azərbaycan Alpaqut Federasiyasının prezidenti Fuad Quliyev isə əlavə edib:
“Azərbaycan Alpaqut Federasiyası olaraq biz ölkə gəncləri arasında bu döyüş sənətinin daha geniş təbliğinə və yayılmasına xüsusi önəm veririk. AHİİTA ilə əməkdaşlıq bu baxımdan olduqca əhəmiyyətlidir.”

Görüşün nəticəsi olaraq, gələcəkdə ortaq təşəbbüslərlə həm yerli, həm də beynəlxalq səviyyədə idman layihələrinin reallaşdırılması istiqamətində mühüm addımların atılması planlaşdırılır.

Bu gün Azərbaycan Həmkarlar İttifaqları İdman Təşkilatları Assosiasiyasının (AHİİTA) inzibati binasında Azərbaycan Kikboksinq Federasiyasının birinci vitse-prezidenti Elşən Abdulrəhimov ilə AHİİTA-nın direktoru Tural Qasımov arasında önəmli görüş keçirilib.

Görüşdə tərəflər qarşılıqlı əməkdaşlığın perspektivlərini müzakirə edib, birgə tədbirlərin təşkili və həmkarlar arasında idmanın, xüsusilə kikboksinqin inkişaf etdirilməsi ilə bağlı fikir mübadiləsi aparıblar. AHİİTA rəhbəri Tural Qasımov bildirib ki, assosiasiya idmanın yalnız peşəkar səviyyədə deyil, həmçinin ictimai və həmkarlar təşkilatları çərçivəsində inkişafına da böyük önəm verir.

Görüşdə həm təlim proqramlarının, həm də yarışların təşkilinin planlaşdırıldığı vurğulanıb. Bu əməkdaşlıq sayəsində idmançıların daha geniş dəstək alacağı və kikboksinqin ölkədə daha da inkişaf edəcəyi gözlənilir.

7 aprel 2025-ci il tarixində Azərbaycan Həmkarlar İttifaqları İdman Təşkilatları Assosiasiyasının (AHİİTA) inzibati binasında Azərbaycan Güləş Federasiyasının nümayəndə heyəti ilə rəsmi görüş baş tutub. Görüşdə AHİİTA İB-nin direktoru Tural Qasımov, Azərbaycan Güləş Federasiyasının rəhbərliyi və hər iki qurumun aidiyyəti şəxsləri iştirak ediblər.

Tərəflər arasında aparılan müzakirələrdə əməkdaşlıq əlaqələrinin genişləndirilməsi, birgə tədbirlərin təşkili və idmanın inkişafı sahəsində birgə fəaliyyət imkanları əsas mövzu olub. Xüsusilə güləş idman növünün təşviqi, peşəkar və həvəskar idmançılar arasında layihələrin həyata keçirilməsi, regionlarda birgə idman tədbirlərinin təşkil olunması barədə fikir mübadiləsi aparılıb.

Görüşdə həmçinin sağlam həyat tərzinin təbliği, gənc nəslin idmana cəlb olunması və federasiya ilə mövcud əməkdaşlıq potensialının daha səmərəli şəkildə həyata keçirilməsi məsələləri müzakirə olunub.

AHİİTA və Azərbaycan Güləş Federasiyası əməkdaşlıq əlaqələrini gücləndirərək idmanın inkişafı üçün birgə layihələrin həyata keçirilməsinə davam edəcək.

2 aprel tarixində Azərbaycan Həmkarlar İttifaqları İdman Təşkilatları Assosiasiyasının (AHİİTA) inzibati binasında Azərbaycan Karate Federasiyasının nümayəndələri ilə AHİİTA rəhbərliyi arasında əməkdaşlıq görüşü keçirilib. Görüşdə qarşılıqlı tərəfdaşlıq, birgə layihələrin reallaşdırılması və ortaq idman tədbirlərinin təşkili məsələləri müzakirə olunub.

Azərbaycan Karate Federasiyasının baş katibi Qabil Sayadov federasiyanın fəaliyyəti və gələcək planları barədə ətraflı məlumat verib, həmkarlar ittifaqları ilə əməkdaşlığın vacibliyini və karate idman növünün ölkədə inkişaf perspektivlərini vurğulayıb.

AHİİTA İB-nin direktoru Tural Qasımov isə həmkarlar ittifaqları çərçivəsində idmanın rolu, idmançıların sosial və peşəkar dəstəklənməsi, habelə bu istiqamətdə planlaşdırılan tədbirlər barədə fikirlərini bölüşüb.

Görüş səmərəli fikir mübadiləsi ilə yadda qalıb və iki qurum arasında qarşılıqlı fəaliyyətin gələcəkdə daha da genişlənəcəyinə əminlik ifadə olunub.