32-ci Ümumdünya Yay Universiadası Möhtəşəm Açılışla Başladı

Azərbaycan Həmkarlar İttifaqları Konfederasiyasının (AHİK) dəstəyi ilə Azərbaycan Həmkarlar İttifaqları İdman Təşkilatları Assosiasiyasının (AHİİTA) əməkdaşları müasir informasiya texnologiyalarına dair ixtisaslaşdırma kursunda iştirak edib.07 iyul-07 avqust 2025-ci il tarixlərində Start IT Şirkəti tərəfindən təşkil olunmuş kurslarda AHİİTA-nın 12 əməkdaşı iştirak edərək, peşəkar biliklərini artırmışlar.Təlimin əsas məqsədi əməkdaşların rəqəmsal bacarıqlarını artırmaq, idarəetmə və hesabatlıq proseslərində beynəlxalq proqram təminatlarından səmərəli istifadə imkanlarını genişləndirmək olub.Təlimin sonunda iştirakçılar imtahan verərək, müvafiq sertifikatlara layiq görülüblər. Qeyd edək ki, gələcəkdə də əməkdaşların peşəkar biliklərinin artırılması istiqamətində bu cür təlimlərin davamlı olaraq təşkil olunması nəzərdə tutulur.

Tədbirdə Azərbaycan Həmkarlar İttifaqları Konfederasiyasının sədri Sahib Məmmədov idmançıları və onların məşqçilərini Avropa Universitetləri Futzal Çempionatda əzmkarlıq nümayiş etdirərək qızıl medal qazanmaları münasibətilə təbrik edib, onlara yeni qələbələr arzulayıb. Bildirilib ki, əsası Ulu Öndər Heydər Əliyev tərəfindən qoyulan gənclər və idman siyasəti hazırda cənab Prezident İlham Əliyevin rəhbərliyi ilə uğurla davam etdirilir. Aparılan məqsədyönlü siyasətin nəticəsidir ki, Azərbaycan idman və olimpiya hərəkatının inkişaf səviyyəsinə görə dünyanın aparıcı ölkələrindən biri hesab olunur. Konfederasiya sədri qazanılan uğurun ölkəmizdə idmana göstərilən dövlət qayğısının bariz nümunəsi olduğunu vurğulayıb.Azərbaycan elm və təhsil nazirinin müavini, Azərbaycan Tələbə Futbol Federasiyası İctimai Birliyinin prezidenti Firudin Qurbanov komandanın uğurunda AHİK-in rolunu qeyd edib. Nazir müavini Akademiyanın futzal komandasının Xorvatiyada keçirilən çempionatda güclü rəqiblər üzərində qələbəsinin tarixi uğur olduğunu vurğulayıb.Azərbaycan İdman Akademiyasının rektorunun müşaviri, Milli Olimpiya Komitəsinin vitse-prezidenti Fərid Mansurov isə ölkəmizdə idmana göstərilən diqqət və qayğıdan, bu sahənin inkişafı üçün yaradılan şəraitdən bəhs edib.Komanda üzvləri görüşdə çempionat barədə təəssüratlarını bölüşüblər. Futzalçılar qarşıdakı yarışlarda da ölkəmizi layiqincə təmsil etmək və yeni uğurlar qazanmaq əzmində olduqlarını bildiriblər.Qeyd edək ki, Azərbaycan İdman Akademiyasının futzal komandası Xorvatiyanın Zaqreb şəhərində tələbələr arasında keçirilən Avropa Universitetləri Futzal Çempionatında bütün rəqiblərini üstələyərək turnirin qalibi olub. Komandamızın oyunçusu Ağaseyid Seyidov isə çempionatın ən yaxşı qapıçısı seçilib. Komandamızın Avropa çempionatında iştirakı Azərbaycan Həmkarlar İttifaqları Konfederasiyasının, Azərbaycan Həmkarlar İttifaqları İdman Təşkilatları Assosiasiyasının, Elm və Təhsil İşçiləri Həmkarlar İttifaqının, eləcə də Azərbaycan İdman Akademiyasının və Azərbaycan Futbol Federasiyaları Assosiasiyasının dəstəyi, Azərbaycan Tələbə Futbol Federasiyası İctimai Birliyinin təşkilatçılığı ilə həyata keçirilib.

16–27 iyul 2025-ci il tarixlərində Almaniyanın Reyn-Rur bölgəsində keçirilmiş Beynəlxalq Universitet İdmanları Federasiyasının (FISU) təşkil etdiyi 32-ci Yay Universiadasında Azərbaycan komandası yüksək nəticələrə imza ataraq ölkəmizi layiqincə təmsil etmişdir.

130-dan çox ölkədən minlərlə tələbə-idmançının iştirak etdiyi bu nüfuzlu yarışda Azərbaycan komandası 2 qızıl və 2 gümüş olmaqla ümumilikdə 4 medal qazanmış və komanda hesabında 24-cü yeri tutmuşdur.

Medal qazanan idmançılarımız:

• Bədii gimnastika üzrə qrup hərəkətləri komandası
  Tərkibi: Ləman Əlimuradova, Güllü Ağalarzadə, Darya Sorokina, Kamilla Əliyeva və Yelizaveta Luzan

  • Çoxnövçülük üzrə – qızıl medal

  • Lentlə hərəkətlər üzrə – qızıl medal

  • 3 top və 2 halqa ilə kompozisiya – gümüş medal

• Cüdo üzrə Elcan Hacıyev (90 kq)
  Fərdi çıxışında gümüş medal qazanmışdır.
  Qeyd edək ki, Elcan Hacıyev bu nəticə ilə ardıcıl ikinci Universiada medalına sahib olmuşdur – 2023-cü ildə bürünc, 2025-ci ildə isə gümüş medal.

Azərbaycan Həmkarlar İttifaqları İdman Təşkilatları Assosiasiyası (AHİİTA) 1999-cu ildən etibarən Beynəlxalq Universitet İdmanları Federasiyasının (FISU) tamhüquqlu üzvü və rəsmi tərəfdaşıdır. Bu müddət ərzində Assosiasiya tələbə-idmançıların beynəlxalq yarışlara hazırlanmasını və iştirakını təmin etməklə ölkə idmanının inkişafına töhfə verməyə davam edir.

Azərbaycan Həmkarlar İttifaqları İdman Təşkilatları Assosiasiyası olaraq medal qazanan bütün idmançılarımızı və onların məşqçi heyətlərini ürəkdən təbrik edir, qarşıdakı yarışlarda daha böyük nailiyyətlər arzulayırıq.

Azərbaycan Həmkarlar İttifaqları Konfederasiyasının dəstəyi ilə Azərbaycan Həmkarlar İttifaqları İdman Təşkilatları Assosiasiyasının (AHİİTA) əməkdaşlarının bilik və bacarıqlarının artırılması məqsədilə təlimlərə start verilib.

Təlimlər çərçivəsində əməkdaşların peşəkar inkişafına töhfə verəcək müxtəlif mövzular əhatə olunur. İştirakçılar yeni yanaşmalarla tanış olur, praktiki biliklərini daha da təkmilləşdirirlər. Bu təşəbbüs AHİİTA-nın insan resurslarının davamlı inkişafına verdiyi önəmin bariz göstəricisidir.

Təlimlər mərhələli şəkildə davam etdiriləcək və müxtəlif mövzuları əhatə edəcək.

Azərbaycan Həmkarlar İttifaqları Konfederasiyasının tabe təşkilatı olan Azərbaycan Həmkarlar İttifaqları İdman Təşkilatları Assosiasiyasında (AHİİTA) əməkdaşların səmərəli fəaliyyət göstərməsi üçün müasir və komfortlu iş şəraiti yaradılıb.

Təşkilatda müasir standartlara uyğun iş otaqları, geniş iclas və təlim zalları mövcuddur. Bütün iş sahələri zəruri texniki avadanlıqlarla, internet və IP telefoniya sistemi ilə təchiz olunub ki, bu da əməkdaşların rahat və funksional fəaliyyətinə şərait yaradır.

Qeyd edilir ki, AHİİTA sağlam həyat tərzinin təbliği, asudə vaxtın səmərəli təşkili, bədən tərbiyəsi və idman kütləviliyinin artırılması istiqamətində müxtəlif layihələr həyata keçirir. Assosiasiya müxtəlif idman növləri üzrə yarışlar, spartakiadalar və universiadalar təşkil edir.

Hazırda AHİİTA-nın tərkibində şahmat və zəka oyunları, güləş növləri, döyüş növləri və fiziki hazırlıq bölmələri fəaliyyət göstərir. Cüdo, sambo, karate-do, taekvondo, sərbəst və yunan-Roma güləşi, şahmat, alpinizm, boks və bədii gimnastika üzrə yetirmələri mötəbər idman yarışlarında uğurla çıxış edirlər.

2025-ci ilin ötən dövründə Assosiasiyanın idmançıları yerli və beynəlxalq yarışlarda ümumilikdə 213 medal qazanıblar. Beynəlxalq turnirlərdə iştirak edən idmançılar 28 qızıl, 13 gümüş və 6 bürünc medal əldə edərək ölkəmizi layiqincə təmsil ediblər. Respublika səviyyəli yarışlarda isə 51 qızıl, 49 gümüş və 66 bürünc medal qazanaraq yüksək nəticələr göstəriblər.

Azərbaycan Həmkarlar İttifaqları Konfederasiyasında (AHİK) qurumun tabe təşkilatı olan Azərbaycan Həmkarlar İttifaqları İdman Təşkilatları Assosiasiyasının (AHİİTA) idmançıları və məşqçi-müəllimləri ilə görüş keçirilib.

Görüşdə Azərbaycan Həmkarlar İttifaqları Konfederasiyasının sədri Sahib Məmmədov idmançıları və məşqçiləri qazanılan nailiyyətlərə görə təbrik edib. Əsası Ulu Öndər Heydər Əliyev tərəfindən qoyulan gənclər və idman siyasətinin hazırda cənab Prezident İlham Əliyevin rəhbərliyi ilə uğurla davam etdirildiyini vurğulayan Sahib Məmmədov ölkəmizin idman uğurlarından danışıb. O, qeyd edib ki, aparılan məqsədyönlü siyasətin nəticəsidir ki, Azərbaycan idman və olimpiya hərəkatının inkişaf səviyyəsinə görə dünyanın aparıcı ölkələrindən biridir.

Gənc nəslin sağlamlığının təmin edilməsində və vətənpərvər gənclərin yetişməsində idmanın rolunu vurğulayan Sahib Məmmədov, 44 günlük Vətən müharibəsində Qələbənin əsas amillərindən birinin də sağlam ruhlu vətənpərvər gənclər olduğunu bildirib.

Azərbaycan Həmkarlar İttifaqları Konfederasiyası ölkədə həyata keçirilən idman və gənclər siyasətinə töhfə verir, AHİİTA-nın idmançıları ölkə və beynəlxalq səviyyəli yarışlarda yüksək nəticələr göstərir və medallar qazanırlar.

AHİİTA-nın direktoru Tural Qasımov çıxışında idmançıların uğurları barədə geniş məlumat verib. Rumıniyada keçirilən 15-ci Avropa Karate Çempionatında qızıl medal qazanmış Fatimə Cəbrayılova diqqət və dəstəyə görə təşəkkürünü bildirib, qarşıdakı yarışlara hazırlaşdıqlarını və qələbə əzmi ilə çalışdıqlarını qeyd edib.

Boks və yunan-Roma güləşi üzrə AHİİTA-nın məşqçi-müəllimləri Ceyhun Rüstəmov və Akif Əliyev çıxışlarında dövlətin idman siyasətindən və AHİİTA-da idmançıların yetişməsi üçün yaradılan şəraitdən bəhs ediblər.

Görüşün sonunda yüksək nəticələrə görə idmançılara və məşqçi-müəllimlərə təşəkkürnamələr və mükafatlar təqdim olunub.

Xalqımızın Ümummilli Lideri Heydər Əliyevin anadan olmasının 102-ci ildönümü münasibətilə Azərbaycan Həmkarlar İttifaqları Konfederasiyasının üzv və tabe təşkilatlarının kollektivləri Fəxri Xiyabanda Ulu Öndərin məzarını ziyarət edib, önünə əklil qoyub, güllər düzüb və əziz xatirəsini ehtiramla yad ediblər.

Eyni zamanda, Ulu Öndərin ömür-gün yoldaşı, görkəmli oftalmoloq-alim, akademik Zərifə xanım Əliyevanın xatirəsi də anılıb, məzarı üzərinə gül dəstələri qoyulub.

Mayın 4-də Heydər Əliyev Fondunun təşəbbüsü ilə “Küləyə qalib gəl” şüarı altında keçirilən Bakı Marafonu 2025 uğurla yekunlaşıb. 2016-cı ildən etibarən təşkil olunan bu marafon ölkəmizdə sağlam həyat tərzinin təbliği, idmanın inkişafına dəstəyin artırılması və geniş ictimaiyyətin idman tədbirlərinə cəlb edilməsi baxımından mühüm əhəmiyyət kəsb edir.

Azərbaycan Həmkarlar İttifaqları Konfederasiyası (AHİK), Azərbaycan Həmkarlar İttifaqları İdman Təşkilatları Assosiasiyası (AHİTA) və Naxçıvan MR Həmkarlar İttifaqları Şurasının ümumilikdə 40 təmsilçisi marafonda iştirak edərək böyük motivasiya və güc nümayiş etdirib. Hamıya təşəkkür edir və gələcək uğurlar arzulayırıq!

Xüsusi təbriklərimiz Əmrah Nağıyevə — AHİK-in üzvü, Bakı Marafonunda ümumi nəticədə 6-cı, azərbaycanlılar arasında isə 1-ci yer tutduğu üçün. Qürurumuzsan!

25 aprel 2025-ci il tarixində Azərbaycan Həmkarlar İttifaqları Konfederasiyasının (AHİK) tabeliyində fəaliyyət göstərən Azərbaycan Əmək və Sosial Münasibətlər Akademiyasında (AƏSMA), Azərbaycan Həmkarlar İttifaqları İdman Təşkilatları Assosiasiyasının (AHİITA) təşkilatçılığı ilə “İdman et, sağlam yaşa” layihəsi çərçivəsində tələbə-gənclərlə görüş təşkil olunub.

Tədbirin əsas məqsədi gənclər arasında sağlam həyat tərzinin təbliği, idmana marağın artırılması və sosial fəallığın təşviq olunması olub.

Görüş Ümummilli Lider Heydər Əliyevin və Azərbaycanın ərazi bütövlüyü uğrunda şəhid olmuş qəhrəmanlarımızın xatirəsinin bir dəqiqəlik sükutla yad olunması və Dövlət Himninin səsləndirilməsi ilə başlayıb.

Tədbirin giriş hissəsində AHİK sədrinin müşaviri Orxan Ərəbov çıxış edərək, idmanın gənclər arasında sosial məsuliyyətin və vətənpərvərlik ruhunun formalaşmasında mühüm rol oynadığını qeyd edib. AHİK sədrinin digər müşaviri Nigar Vahabzadə isə layihənin ideya və məqsədləri haqqında geniş məlumat verərək, bu təşəbbüslərin gənclərin fiziki və mənəvi inkişafına mühüm töhfə verdiyini vurğulayıb.

Daha sonra AƏSMA-nın rektor əvəzi Yusif Ağayev və AHİTA-nın direktoru Tural Qasımov çıxış edərək layihənin gələcək planları, idmanın inkişaf perspektivləri və gənclərlə daha sıx əməkdaşlıq istiqamətlərindən danışıblar.

Tədbirin fəxri qonaqları – tanınmış paralimpiyaçı, ikiqat Paralimpiya çempionu və AHİK-in “Layiqli Əmək Səfiri” İlham Zəkiyev, eləcə də 28 qat dünya çempionu, kikboksçu Eduard Məmmədov gənclərlə motivasiya yönümlü çıxışlar ediblər. Onlar öz həyat və idman təcrübələrindən bəhs edərək, sağlam həyat tərzinin önəmini xüsusi olaraq vurğulayıblar.

Görüş interaktiv sual-cavab sessiyası ilə davam edib. Gənclər qonaqlara öz suallarını ünvanlayaraq faydalı tövsiyələr alıblar.

Tədbirin sonunda göstərdikləri fəallığa və dəyərli təcrübələrini gənclərlə bölüşdüklərinə görə İlham Zəkiyev və Eduard Məmmədova AƏSMA kollektivi adından təşəkkürnamələr təqdim olunub.

Tədbirin təşkilatçıları qeyd ediblər ki, “İdman et, sağlam yaşa” layihəsi davamlı olacaq və gələcəkdə daha geniş auditoriyanı əhatə edəcək şəkildə müxtəlif maarifləndirici görüşlərin təşkili planlaşdırılır.

2025-ci il, Azərbaycanın idman paytaxtı Qəbələ şəhərində 5 Mart – Bədən Tərbiyəsi və İdman Günü münasibətilə möhtəşəm parad təşkil olunub.

Parad mərasimində Azərbaycan Həmkarlar İttifaqları İdman Təşkilatları Assosiasiyasının (AHİİTA) idmançıları, məşqçiləri və idarə heyəti fəal iştirak etmişlər.